Barcelona po përballet me Real Sociedadin në stadiumin olimpik të Katalonjës, në sfidën e vlefshme për javën e 7-të në La Liga. Pjesa e parë është mbyllur në barazim 1-1.
Në minutën e 30-të, ish-mbrojtësi i Real Madridit, Alvaro Odriozola, dërgon topin në rrjetë, pas një gjysmë pasimi, gjysmë goditje të Barrenetxea, duke i dhënë avantazhin Sociedadit.
Barcelona barazon shifrat në minutën e 44-të me Jules Kounde, francezi shënon me kokë pas krosimit të Marcus Rashford nga goditja e këndit.
Katalanasit vijnë me disa ndryshime në formacion sot, duke ditur që në mesjavë do të përballen me PSG-në në Champions League.
Në portë luan Szczesny, në vend të Joan Garcia i dëmtuar. Për katalanasit debuton në mesfushë, 17-vjeçari Dro Fernandez. Po ashtu nga minuta e parë dhe suedezi Roony Bardghji.
