Ish-deputeti Ervin Salianji përfundon sot dënimin e tij me shërbim prove.
Në një deklaratë përpara Prokurorisë së Posaçme SPAK, Salianji e quajti ditën e sotme përfundimin e një periudhe të errët për të. Megjithatë ai shtoi se beteja e tij sapo ka filluar.
“Sot është dita e fundit e përfundimit të të ashtuquajturës shërbim prove. Ky është përfundimi i një periudhe të errët, që përfaqëson një dënim politik, për arsye tërësisht politike. Fatkeqësisht, drejtësia është përdorur për hakmarrje personale dhe politike, me synimin për të ndikuar në lojën politike. Nuk ka patur asnjë arsye tjetër përveçse asaj politike për dënimin tim, i cili erdhi si pasojë e fitoreve politike dhe denoncimeve publike që kam bërë. Dënimi im nuk ka pasur asnjë rrezikshmëri shoqërore. Pasojat që solli denoncimi im në publik ishin pozitive…”, tha Saliaji, i cili shtoi se do shkonte deri në Strasburg.
“Beteja ime sapo ka filluar”, u shpreh ai.
