Pas gati pesë vitesh që nga aksidenti tragjik në Çmimin e Madh të Bahreinit, Romain Grosjean, ish-pilot i Formula 1, do të rikthehet në botën e F1. Një prej aksidenteve më dramtike të historisë së sportit ndodhi në 2020 kur makina e tij përplasi murin me 140 mph dhe shpërtheu në flakë. Falë avancimeve në sigurinë e makinave të F1, ai arriti të dalë pas 27 sekondash, duke pësuar vetëm djegie në duar. Pas këtij incidenti, ai humbi dy garat e fundit të sezonit dhe e mbylli bashkëpunimin me ekipin Haas.
Pas aksidentit, Grosjean kaloi në IndyCar dhe gara qëndrueshmërie, duke përfshirë 24 Orët e Le Mans. Megjithëse iu premtua një test nga Mercedes, ai nuk u realizua. Mirëpo, më 2025, ai do të ngasë një makinë F1 në një test me ekipin Haas në pistën e Mugellos, duke përdorur modelin VF-23, me të cilin kishin garuar Kevin Magnussen dhe Nico Hulkenberg.
Ky test është pjesë e programit “Testing of Previous Cars” të Haas dhe do të zhvillohet me inxhinierin e tij të dikurshëm, Ayao Komatsu. Grosjean shprehu mirënjohje ndaj Gene Haas dhe Komatsu për këtë mundësi. “Të rikthehem pas timonit të një makine F1 pas kaq vitesh është një ndjenjë e veçantë. Mezi pres të kujtojmë kohët e vjetra,” tha ai.
Ai gjithashtu do të përdorë një helmetë me një dizajn emocional, të krijuar nga vajza e tij, për garën e fundit në Abu Dhabi që nuk e zhvilloi. “Fëmijët e mi kishin dizajnuar helmetën për garën time të fundit në Abu Dhabi. Më në fund do ta përdor atë në një makinë F1 këtë të premte,” shpjegoi ai.
Ndërkohë, në Çmimin e Madh të Toskanës në Mugello gjatë vitit 2020, ai përfundoi në vendin e 12-të pas një aksidenti në xhiron e parë, ndërsa tetë pilotë të tjerë u tërhoqën. Kjo rikthim i Grosjean në F1 e bën atë një ngjarje emocionuese për tifozët dhe sportin në përgjithësi, duke e rikthyer atë në pistë pas një periudhe sfiduese.
