Në GJKKO po zhvillohet seanca e radhës për dosjen “Plumbi i Artë”, e cila u shoqërua me tensione për shkak të debateve mes dy bashkëpunëtorëve të drejtësisë, Nuredin Dumani dhe Erion Alibej.
Shkak u be përgjigjja e Erion Alibejt, teksa u pyet nga avokatët e të pandehurve për masakrën e Bradasheshit.
Alibej tha se Nuredini s’ja kishte pranuar përfshirjen e të vëllait Dashnor Dumani në masakrën e Bradasheshit, por ka menduar se për shkak të lidhjes nuk ka qenë i sinqertë.
“Ky është mashtrim zonja gjyqtare, mos e bej at gabim mos e përmend më”, mësohet të jetë shprehur Dumani në sallë, ndërsa trupi gjykues vendosi ta nxjerrë përjashta.
Masakra e Bradasheshit
Më 29 dhjetor 2018 në Bradashesh të Elbasanit u ekzekutuan Endrit Alibej, Arben Dylgjeri dhe shtetasi turk Erdal Durunay.
Krimi dyshohet se u krye për llogari dhe nga organizata “Çopja”.
Sipas dosjes së SPAK, vëllai i Nuredin Dumanit, Dashnor Dumani, akuzohet si një nga autorët e përfshirë në masakrën me tre vitkima në Bradashesh të Elbasanit ku mbeti i vrarë vëllai dhe xhaxhai i Erion Alibejt si dhe miku i tyre një shtetas turk.
