Ministria e Jashtme e Estonisë njoftoi sot se, me kërkesë të saj, nesër, të hënën, do të mbahet një takim urgjent i Këshillit të Sigurimit të OKB-së mbi çështjen e hyrjes së tre aeroplanëve rusë në hapësirën ajrore kombëtare të Estonisë.
Tre avionë luftarakë rusë hynë në hapësirën ajrore të Estonisë mbi Gjirin e Finlandës dhe qëndruan atje për rreth 12 minuta, njoftuan këtë të premten Estonia dhe NATO.
Sipas një deklarate nga diplomacia estoneze : “Më 22 shtator , Këshilli i Sigurimit i Kombeve të Bashkuara do të mbajë një takim urgjent në përgjigje të shkeljes flagrante të hapësirës ajrore estoneze të premten e kaluar nga Rusia.”
Kujtojmë se Kryeministri estonez njoftoi të premten se vendi i tij do t’i kërkojë NATO-s të aktivizojë Nenin 4 të Traktatit të Atlantikut të Veriut, i cili parashikon konsultime midis aleatëve në rast se një prej anëtarëve të tij kërcënohet.
