Presidenti Bajram Begaj, do të marrë pjesë në Javën e Nivelit të Lartë të Sesionit të 80-të të Asamblesë së Përgjithshme të Organizatës së Kombeve të Bashkuara, që do të zhvillohet në New York në datat 22 – 27 shtator 2025.
Përgjatë kësaj jave Presidenti do të mbajë fjalën e tij në Debatin e Përgjithshëm të Asamblesë së Përgjithshme, ku do të prezantojë qëndrimet e Shqipërisë mbi çështjet kryesore, ku përfshihen multilateralizmi, të drejtat e njeriut, zhvillimi i qëndrueshëm dhe paqja dhe siguria ndërkombëtare.
Axhenda e Begaj përfshin, gjithashtu, pjesëmarrjen në disa aktivitete të rëndësishme shumëpalëshe. Ai do të zhvillojë edhe takime dypalëshe me homologë të tij dhe përfaqësues të lartë të OKB-së.
Po ashtu Pjesë e axhendës së Presidentit Begaj do të jenë edhe disa vizita në shkollat ku fëmijët e Diasporës mësojnë gjuhën amtareedhe takimet me përfaqësues të Diasporës shqiptare në Shtetet e Bashkuara të Amerikës.
