Mbrëmjen e kaluar, arena OVO Wembley në Londër, me kapacitet prej 12,500 vendeve, u mbush plot për koncertin “Together For Palestine”, i cili është ngjarja më e madhe e mbledhjes së fondeve në Britani për Gazën. Koncerti, i transmetuar ekskluzivisht në YouTube, bashkoi muzikantë, aktorë dhe aktivistë me qëllim mbështetje për organizatat palestinianë që po përballen me krizën humanitare në rajon.
Ngjarja u koordinua nga Brian Eno dhe artistja palestineze Malak Mattar si drejtoreshë artistike. Fondet e mbledhura nga shitja e biletave, donacionet online dhe tregtia do të shpërndahen përmes organizatës bamirëse britanike Choose Love për grupe si Taawon, Palestine Children’s Relief Fund dhe Palestine Medical Relief Service.
Shitjet e biletave për koncertin arritën një shifër prej rreth 500,000 £, ndërsa prezantuesja Jameela Jamil njoftoi se deri në orën 11 të mbrëmjes, ishin mbledhur gjithsej 1.5 milion £. Line-up-i përfshinte emra të njohur si Portishead, Gorillaz, dhe muzikantë palestinezë si Nai Barghouti dhe Elyanna.
Mes folësve ishin edhe aktorët Richard Gere, Benedict Cumberbatch dhe Florence Pugh, të cilët sollën mesazhe të fuqishme. Video e para-regjistruar para koncertit përmbante thirrje për armëpushim nga aktorë si Cillian Murphy dhe Joaquin Phoenix.
Benedict Cumberbatch recitoi poezinë “On this land there are reasons to live” nga poeti palestinez Mahmoud Darwish, ndersa Florence Pugh tha: “Silencia përballë një vuajtjeje të tillë nuk është neutralitet. Është komplisite.” Francesca Albanese, raportuese speciale për të drejtat e njeriut në territoret palestineze, theksoi se përfaqësuesit e botës duhet të mos humbasin nga shikimi vuajtjen në Gaza dhe Bregun Perëndimor.
Eric Cantona kërkoi pezullimin e Izraelit nga FIFA dhe UEFA, duke nënvizuar standardin e dyfishtë në politikën sportive. Gazetarja palestineze Yara Eid dënoi vdekjen e mbi 270 gazetarëve në Gaza pas tetorit 2023 dhe kritikoi heshtjen e gazetareve perëndimorë ndaj masakrës së kolegëve të tyre palestinezë.
Të dhënat ndërkombëtare sugjerojnë se veprimet ushtarake të Izraelit në Gaza mund të përbëjnë një genocid, ndërsa popullsia e Gaza-s përballet me një urie të shkaktuar nga njeriu.
