Ish-kryetarja e Qendrës për Kontrollin dhe Parandalimin e Sëmundjeve (CDC) në SHBA, Susan Monarez, akuzoi sekretarin e shëndetësisë, Robert F. Kennedy Jr., për shkarkimin e saj pasi refuzoi të miratonte rekomandimet për vaksinat pa shqyrtuar evidencat shkencore që i mbështesin ato. Ajo u shkarkua vetëm 29 ditë pas fillimit të punës së saj për shkak të mosmarrëveshjeve mbi politikat e vaksinimit në SHBA.
Monarez bëri këto akuzata gjatë një dëshmie para senatorëve amerikanë, duke theksuar se Kennedy i kishte dhënë një ultimatum: të miratonte paraprakisht rekomandimet e reja për vaksinat nga një panel këshillues të CDC-së, që sipas saj përfshin disa ekspertë që dyshojnë për sigurinë e vaksinave, ose përndryshe do të shkarkohej. Ky panel pritet të votojë mbi rekomandimet e reja për vaksinat në lidhje me COVID-19, hepatitin B dhe variçelën.
Senatori republikan Bil Cassidy, që drejton komitetin e shëndetit, shprehu dyshime mbi shpjegimet e Kennedy për shkarkimin e Monarez. Ai e lavdëroi Presidentin amerikan Donald Trump për angazhimin e tij ndaj shëndetit të amerikanëve, duke theksuar se senatorët kishin miratuar pak javë më parë konfirmimin e Monarez, dhe Kennedy e kishte lavdëruar atë për “kredencialet e saj shkencore të pakundërshtueshme”.
Monarez tha se Kennedy gjithashtu kërkoi që ajo të shkarkonte disa zyrtarë të lartë të CDC-së pa ndonjë arsye. Ajo theksoi se iu përgjigj Kennedy-t se nuk mund të miratonte rekomandime pa shqyrtuar evidencat dhe se nuk kishte asnjë bazë për të shkarkuar zyrtarë.
Ndërkohë, Kennedy ka mohuar akuzat e Monarez, duke e cilësuar atë si të “paspërgjegjshme”, një akuzë që Monarez e ka kaluar nëpërmjet avokatit të saj. Ai pranoi, megjithatë, se kishte kërkuar që Monarez të shkarkonte disa zyrtarë të lartë të CDC-së, duke i dhënë kështu një dimension të ri shqetësimeve për ndikimin që ka këtë situatë në shëndetin publik të fëmijëve në SHBA.
