Ish kryebashkiaku i Durrësit Vangjush Dako vijon të ndodhet ende i shtruar në spitalin e Durrësit në repartin e Infektivit.
Ai u shtrua dje pasi ka patur aritmi (rrahje të shpejta zemre), gjendje ankthi dhe probleme me hernien diskale.
Ditën e djeshme, pas vendimit të Apelit të GJKKO, e cila e dënoi me 2 vjet e 8 muaj burgim ish kreun e bashkisë së Durrësit Vangjush Dako, SPAK në bazë të kompetencës që ka, nxori menjëherë urdhrin e ekzekutimit të vendimit dhe kthimit të tij në qeli.
Duke përllogaritur kohën e paraburgimit, si dhe atë të arrestit shtëpiak, Dako tani duhet të kryejë edhe 9 ditë burg për të plotësuar dënimin e tij. Shumicën e dënimit e bëri duke qenë në masën e sigurisë “arrest në shtëpi”.
