Një 33-vjeçar nga fshati Rrëmenjë në Pogradec është denoncuar i zhdukur nga familjarët e tij. Sipas njoftimit të policisë i riu ka dy ditë që është larguar nga banesa.
Largimi i 33-vjeçarit ka sjellë shqetësim për të afërmit e tij të cilët kanë denoncuar në polici zhdukjen e të riut. Policia shton se i zhdukuri vuan nga probleme të shëndetit mendor.
Njoftimi i policisë:
Në Komisariatin e Policisë Pogradec është paraqitur shtetasja B. K., 56 vjece, banuese në fshatin Rrëmenj, e cila ka kallëzuar se më datë 13.11.2024, është larguar nga banesa, nipi i saj, shtetasi N. Sh., 33 vjeç, i cili vuan nga probleme të shëndetit mendor. Po punohet për gjetjen e tij.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
