Një histori e pabesueshme ka ardhur nga Shqipëria, ku një shtetas italian, pasi kishte marrë me qira një makinë gjatë pushimeve, zbuloi se ajo ishte pikërisht automjeti i tij i vjedhur pesë vite më parë në Itali.
Sipas raportimeve ironike të mediave, fenomeni i makinave të vjedhura në Itali dhe i “rishfaqjes” së tyre në Shqipëri është shndërruar në një lloj “ekspordi të besueshëm”. Një tregtar vendas shprehet me humor: “Tek ne makinat mbërrijnë më me kohë se një tren zviceran, shpesh me karburant të plotë dhe me aromatizuesin e famshëm të pishës ende në pasqyrë.”
Hetuesit dyshojnë se ekziston një rrjet i mirëorganizuar, ku në Itali automjeti “merret hua pa paralajmërim”, ndërsa në Shqipëri pritet si mall importi cilësor. “Asnjë nuk ankohet, përkundrazi ndodh që brenda të gjejmë edhe monedhat e pedonales,” shton tregtari.
Nga ana tjetër, Ministria e Transporteve italiane ka deklaruar se ende nuk ka prova konkrete për një trafik ndërkombëtar të tillë, por u ka këshilluar shoferëve të Italisë që t’i përshëndesin makinat e tyre çdo mbrëmje, pasi “nuk i dihet, mund t’i ritakoni gjatë pushimeve jashtë vendit.”
