Zarutska, 23 vjeç u ther për vdekje më 22 gusht në një tren urban nga një person me histori të gjatë problemesh mendore dhe sjelljesh të dhunshme.
Autori i dyshuar i krimit, Decarlos Brown Jr., 34 vjeç, u arrestua menjëherë në vendngjarje dhe akuzohet për vrasje të shkallës së parë. Pamjet filmike të publikuara së fundmi tregojnë momentin kur Zarutska hyn në tren dhe ulet përpara Broën, i cili disa minuta më vonë, pa asnjë ndërveprim të dukshëm, e qëllon në qafë me një thikë të vogël. Pasagjerët largohen me panik ndërsa viktima rrëzohet.
Brown ka një të kaluar të gjatë kriminale dhe probleme të theksuara të shëndetit mendor. Ai ka qenë i burgosur më parë për grabitje me armë dhe është diagnostikuar me skizofreni. Në fillim të vitit ishte arrestuar për thirrje të rreme në 911 nga një spital, ku pretendonte se dikush po përpiqej ta kontrollonte, por u lirua pa garanci. Nëna e tij ka deklaruar se kishte kërkuar që ai të shtrohej me forcë në spital për shkak të sjelljes së dhunshme në familje.
Autoritetet në qytetin Charlotte të SHBA po përballen me kritika të forta.
Ngjarja ka ndezur sërish debatin për menaxhimin e krimit dhe të sëmundjeve mendore në qytetet amerikane, sidomos ato të drejtuara nga demokratët. Kritikët thonë se vrasja e Zarutskës mund të ishte shmangur nëse sistemi i drejtësisë dhe shërbimet shëndetësore do të kishin ndërhyrë në kohë. Ndërkohë, përkundër retorikës politike, të dhënat tregojnë se niveli i krimeve të dhunshme në SHBA është në rënie.
