Izraeli kreu një sulm ndaj udhëheqësve të Hamasit në kryeqytetin e Katarit, Doha – por Hamasi pretendon se ekipi i tij udhëheqës mbijetoi.
Në një deklaratë, Hamasi pranoi se gjashtë persona u vranë në sulm, përfshirë një anëtar të forcave të sigurisë së Katarit.
“Ne konfirmojmë dështimin e armikut për të vrarë vëllezërit tanë në delegacionin negociues. Sulmi konfirmon pa dyshim se Netanyahu dhe qeveria e tij nuk duan të arrijnë ndonjë marrëveshje” për paqe.
Ne bëjmë administratën amerikane bashkëpërgjegjëse me pushtimin për këtë krim, për shkak të mbështetjes së saj të vazhdueshme për agresionin dhe krimet e pushtimit kundër popullit tonë”, thuhet në deklaratën e Hamasit.
Hamasi tha se delegacioni i tyre negociues ishte në shënjestër gjatë takimit të tyre në Doha, pasi Izraeli tha se kreu një sulm ndaj udhëheqësve të lartë të Hamasit.
Zëdhënësi i Ministrisë së Jashtme të Katarit, Majed Al-Ansari, tha se vendi nuk ishte njoftuar për sulmin izraelit përpara se të shkonte në Doha.
Shtëpia e Bardhë konfirmoi më parë se administrata amerikane ishte njoftuar për sulmin përpara se ai të niste.
