Konferenca e Kryetarëve ka rrëzuar kërkesën e PD për zgjatjen e mandatit të Komisionit Hetimor Parlamentar për sterilizimin dhe check-up ne shëndetësi, të cilit i mbaron afati ditën e enjte.
Anëtarët e mazhorancës në Komison nuk e kanë parë të drejtë zgjatjen e afateve dhe me shumicë votash kanë rrëzuar kërkesën e opozitës.
Demorkatët në kërkesën e tyre argumentuan se nëse Komisioni nuk e zgjat veprimtarinë e tij, nuk ka asnjë afat kohor për të shkruar raportin i cili fillon hartimin pas pyetjes së të gjithë dëshmitarëve që në rastin më të mirë kërkon 10-14 ditë, si dhe paraqitja e raportit për miratim në Komision.
“Nga lista e pranuar e dëshmitarëve, është pyetur vetëm një pjesë e tyre. Pjesa tjetër e dëshmitarëve, që disa pjesë më të rëndësishme si ish Ministra, aksionerë, etj ende nuk kanë dëshmuar. Kjo e bën hetimin parlamentar të paplotë”, thuhet ne shkresën e opozitës.
