Një seri shpërthimesh të forta u regjistruan pak para orës 15:00 në zonën Katara të Dohas, në Katar, ku më pas u panë edhe shtresa të mëdha tymi. Dëshmitarët raportojnë të paktën pesë shpërthime të fuqishme në këtë rajon.
Sipas burimeve nga një zyrtar izraelit, bëhet fjalë për një operacion për likuidimin e një zyrtari të lartë të Hamasit brenda territorit të Katarit.
Ngjarja ka shkaktuar alarm dhe panik në zonë, ndërsa autoritetet po vazhdojnë hetimet për shkaktarin dhe pasojat e shpërthimeve.
Video të shpërthimeve dhe shtresave të mëdha tymi, si dhe të qytetarëve të tmerruar që largohen me vrap, janë përhapur gjerësisht në media dhe rrjetet social.
