Shtatë emigrantët që u sollën disa ditë më parë për t’u strehuar në kampin e emigrantëve të Gjadrit, janë lënë të lirë dhe mund të shkojnë në Itali.
Kjo pasi Seksioni i Imigracionit në Gjykatën e Romës, e ka referuar rastin në Gjykatën Evropiane të Drejtësisë duke pezulluar masën e ndalimit të tyre. Pas përfundimit të afateve të vlefshmërisë, shtatë emigrantët do të duhet të largohen nga qendra e Gjadrit.
Emigrantët do të kthehen në Itali pasi të kenë mbaruar afatet e paraburgimit, pra 48 orë, për të cilat gjykata ka pezulluar vendimin. Ato do të dërgohen me anijen Libra të marinës italiane.
Kjo është hera e dytë që grupi i emigrantëve ilegalë nga Italia dërgohet në Gjadër, e më pas kthehet sërish në Itali.
