Një mjek i spitalit të Librazhdit, shtetasi A. I., 69 vjeç, është proceduar penalisht në gjendje të lirë për veprën penale “Neglizhenca në trajtimin mjekësor”.
Sipas Policisë, procedimi nisi pas kallëzimit të një 42-vjeçareje, e cila pretendon se mjeku nuk i ka dhënë trajtimin e duhur dajës së saj, shtetasit M. D., 52 vjeç, më 27 gusht 2025.
M. D. ndërroi jetë më 31 gusht në spitalin e Librazhdit, ndërsa rasti është tashmë në hetim nga Prokuroria.
Materialet janë referuar nga specialistët për Hetimin e Krimeve të Komisariatit të Policisë Librazhd, të cilët kanë nisur procedurat ligjore ndaj mjekut.
Njoftimi i policisë:
Specialistët për Hetimin e Krimeve të Komisariatit të Policisë Librazhd referuan materialet në Prokurori ku nisi procedimi në gjendje të lirë për veprën penale “Neglizhenca në trajtimin mjekësor”, për shtetasin A. I., 69 vjeç, mjek në spitalin e Librazhdit, pasi ka kallëzuar një 42-vjeçare, me pretendimin se ky mjek ka neglizhuar trajtimin mjekësor të dajës së saj, shtetasit M. D., 52 vjeç, më datë 27.08.2025, i cili ka humbur jetën në spital, më datë 31.08.2025.
