Deputeti i PS Erion Braçe ka ngritur shqetësimin për një tjetër mashtrim financiar online që po prek qytetarë brenda dhe jashtë Shqipërisë, këtë herë përmes platformave të ashtuquajtura XUEX dhe TXEX.
Sipas tij, këto nuk janë platforma të mirëfillta tregtimi, por struktura mashtruese që funksionojnë si skema piramidale. Ai tregon se brenda grupeve të Telegram-it, drejtuesit e XUEX kanë ndalur çdo mundësi tërheqjeje fondesh për përdoruesit, duke i lënë ata pa qasje në investimet e tyre.
Në një takim virtual, një person me pseudonimin “Leo Smith”, i njohur edhe si “Profesori” apo “Roboti”, ka pohuar hapur se paratë e përdoruesve nuk mund të tërhiqen më nga llogaritë – një konfirmim i drejtpërdrejtë i mashtrimit.
Braçe thekson se situata është shumë e ngjashme me atë të mëparshme me platformën TXEX, e cila ka bllokuar gjithashtu pagesat, veçanërisht për qytetarë në zona si Divjaka dhe Lezha, ku shumë individë kanë investuar shuma të konsiderueshme.
Ai paralajmëron se çdo mesazh i shpërndarë nga këto platforma është provë e qartë e një mashtrimi, dhe nuk ka asnjë lidhje me bursat apo tregjet legjitime financiare. Më shqetësuese akoma, sipas tij, është fakti që edhe shqiptarë jashtë vendit kanë rënë pre e kësaj skeme
Në përfundim, Braçe kërkon hetim të thelluar dhe ndërhyrje të menjëhershme nga autoritetet, për të ndaluar përhapjen e këtyre mashtrimeve dhe për të mbrojtur qytetarët nga dëme të mëtejshme financiare.
Postimi i deputetit Erion Braçe:
BRENDA GRUPIT NE TELEGRAM TE PIRAMIDES XUEX;
48 ORE DHE BOSET E PIRAMIDES KANE BLLOKUAR CDO TERHEQJE TE PARAVE NGA ANETARET!
LEO SMITH, domethene PROFESORI, domethene ROBOTI,
KA THIRRUR MBLEDHJE GRUPI DHE KA NJOFTUAR BLLOKIMIN E TERHEQJES SE PARAVE;
Pra daljen nga PIRANIDA duke kaluar PARATE nga LLOGARIA-MURI I ANETAREVE NE BINANCE E PASTAJ NE EXCHANGE NE KOSOVE PER TI MARRE CASH!
Kete gje beri dhe shpalli TXEX 10 DITE ME PARE;
Pas 10 ditesh askush ne Divjake e Lezhe nuk ka marre dot parate.
PRA KRIMI I MASHTRIMIT DHE GRABITJES PO KONSUMOHET I PLOTE!
Leo Smit e quan XUEX ende BURSE, por une nuk di as ne Evrope e as ne Amerike burse qe te bllokon parate e tua;
Lexoini mesazhet e tij; CDO FJALI ESHTE PROVE E FUNKSIONIMIT SI PIRAMIDE, JO SI BURSE!
E reja tjeter sot-zbuluar nga mesazhet ne shqip te Leo Smith, ka te bej me faktin se paske edhe SHQIPTARE nga jashte Shqiperise qe paskan futur para ne PIRANIDE!!!!
Kulmi!
Skam fjale!
Pas gjithe asaj qe kaloi thuajse cdo familje ne 1996-1997, besoja se njk do kishte me shqiptare te binin ne gropen e piramidave!
Jooo, NE NJK ZEME MEND!
