Në 28-vjetorin e vdekjes tragjike të Princeshës Diana, vëllai i saj, Charles Spencer, ka ndarë një mesazh prekës në rrjetet sociale. Ai publikoi një fotografi të një buqete me trëndafila të bardhë dhe rozë, të mbledhur nga kopshti i Althorpit – vendi ku Diana prehet që prej vitit 1997.
Në shënimin e tij, Spencer tha se lulet ishin këputur për “Ishullin”, duke iu referuar varrit privat të motrës brenda pronës familjare, dhe e përshkroi këtë ditë si “të pamundur”.Diana, e njohur në mbarë botën si “Princesha e Zemrave”, humbi jetën më 31 gusht 1997 në një aksident automobilistik në Paris, së bashku me partnerin e saj Dodi Fayed dhe shoferin Henri Paul. Ajo la pas dy djemtë, Princin William dhe Princin Harry, atëherë vetëm 15 dhe 12 vjeç.Charles Spencer zgjodhi Althorpin si vendvarrim për të siguruar që nipërit e tij të vizitonin nënën e tyre në një ambient të qetë dhe larg syrit të publikut. Ndërkohë, admiruesit e princeshës mund të nderojnë kujtimin e saj pranë memorialit të ngritur në kopshtet e pronës familjare në vitin 1998.Përmes humanizmit dhe angazhimit të saj në kauza sociale, Diana vazhdon të mbetet një figurë frymëzuese, ndërsa trashëgimia e saj emocionon ende miliona njerëz anembanë botës.
