Një zjarr i përmasave të mëdha ka shpërthyer në fushën e Dukatit, vetëm 50 metra larg një banese.
Situata paraqitet tepër alarmante, ndërsa flakët përhapen me shpejtësi dhe rrezikojnë të përfshijnë banesat aty pranë.
Në vendngjarje, deri pak minuta më parë, ndodhej vetëm një makinë policie dhe kalimtarë të rastësishëm, ndërkohë që zjarrfikësja nuk kishte mbërritur ende.
Ndërkohë një tjetër zjarr ka shpërthyer në një kodër pranë fshatit Drashovicë të Bashkisë Selenicë. Vatra e zjarrit është në një terren shumë të vështirë, ndërsa era e fortë që fryn ndihmon në përhapjen e flakëve.
