Të shumtë kanë qenë qytetarët që kanë dalë në protestë paraditen e kësaj të premteje në Pajovë të Peqinit, pas aksidentimit për vdekje të një 8-vjeçari.
Sipas banorëve, autoritetet duhet të marrin masa, në mënyrë që të mos ketë raste të tjera, në të kundërt paralajmërojnë përshkallëzim të protestave.
Me pankarta në duar ku kërkojnë mbrojtjen e fëmijëve të tyre, banorët thonë se vdekja e 8-vjeçarit nuk është rasti i vetëm.
Mes zërave për marrjen e masave janë dhe fëmijët.
Të bëhet vijëzimi i rrugës, bordure në të tre krahët e rrugës. Të jetë me ndricim, kanë ndodhur edhe në raste të tjera. Shpejtësia është 150, tabela është 30/km/h.
Duhet të përdorin dicka për ulje shpejtësie. Ecin mbi 100 në orë, policia nuk rri këtu. S’respektojnë asnjë sinjalistikë. Kemi frikë të dalim nga pianecët, maunat. Shteti të vërë dorë, 20 km/h. s’është hera e parë, e disata.
Mungojnë bordurat, sinjalistika. Kanë ndodhur aksidente fatale. S’kanë marrë asnjë masë, fëmija iku e harrohet. Të vihen bordurat, autoritetet të marrin masa. Të ketë ndricim. Fëmijën tim, se lë dot vetëm, as 2 sec. të marrin masa, ecin me mbi 100 në orë. Polici nuk rri këtu, po futet fshehtas për të vënë gjoba e të marrë lekë për vete. Në rast se nuk vihen bordurat, do vijojnë protestat, më të forta e më të fuqishme.
Fëmija: Në rrugë ne kur kalojmë vijnë makinat pikë plumbi në skolllën tonë, e kemi frikë të kalojmë rrugën. Të vihen semaforë, vijat e bardha.
Bashkëmoshatari: Kam frikë shumë, sepse kur vjen ndonjë makinë na shtyp dhe ne do vdesim.
Xhaxhai: Janë vrarë 5 fëmijë dhe të rritur nga aksidentet. Duam policë të shtrirë, të ndalohet shpejtësia, të vihen kufizime. Mezi po i rrisim këta fëmijë, kemi punuar në ferrat e Greqisë për ta. Kemi frikë të çojmë fëmijët të marrin diçka në market, t’i çojmë në shkollë.
