Modelja e njohur Arbenita Ismajli ka reaguar sërish në rrjetet sociale, vetëm pak ditë pas publikimit të lajmit se ndaj saj është lëshuar një urdhërarrest ndërkombëtar. Edhe këtë herë, ajo ka zgjedhur të përgjigjet me ironi.
Në një postim të bërë në Instagram, Ismajli ka publikuar një fotografi të një tufe me lule, shoqëruar me mbishkrimin sarkastik: “Dërgesat në burg janë kështu…”.
Arbenita është ish e dashura e reperit Fero, dhe është shpallur në kërkim për mospërfillje të gjykatës, pasi ka kundërshtuar vendimi e kësaj të fundit, duke mos lejuar vajzën e saj që të takohet me të atin Fero.
Reagimi i saj përmes rrjeteve sociale lë të kuptohet se ajo po e trajton me moskokëçarje ose humor situatën, duke u shmangur komenteve të drejtpërdrejta për përmbajtjen e çështjes.
