Ish presidenti Ilir Meta kërkon ndryshim të masës së sigurisë pak orë pasi SPAK mbylli hetimet ndaj tij dhe katër personave të tjerë.
Siç mëson gazetarja Anila Hoxha, Meta thotë në kërkesë që nuk ka asnjë rrezik të ndikojë e inçaktojë provat dhe nga ana tjetër sugjeron që gjykata të vendosë ndaj tij masë më të butë, atë të ndalimit për të dalë kashtë vendit.
Në padinë që gazetarja Anila Hoxha e disponon thuhet më tej ” Në datën 04 gusht nga prokuroria e posaçme u njohëm me përfundimin e hetimeve lidhur me të pandehurin ish presidentin Ilir Metaj. Sipas procedurës u njohëm edhe me aktet fashikujt hetimorë në mënyrë elektronike, çka nënkupton se organi procedurës tashmë ka përfunduar çdo procedurë hetimi dhe çështja do kaloj për gjykim në seancën paraprake.
Në kushtet e reja procedurale të krijuara, duke u nisur edhe nga neni 228 paragrafi 3 i kodit procedurës penale, për masat e sigurimit personal mendojmë se këto kritere nuk qëndrojnë pasi tashmë:
a) kur ekzistojnë shkaqe të rëndësishme që vënë në rrezik marrjen ose vërtetësinë e provës, bazuar në rrethana fakti…..
b) nuk ka asnjë rrezik që i pandehuri të largohet dhe ti fshihet procesit gjyqësor.
c) personaliteti të Pandehurit nuk përbën rrezik që ai të kryejë krime të rënda ose të të njëjtit lloj me atë për të cilin procedohet, sepse nuk është duke ushtruar funksionin publik.
Në kuptim të rrethanave të reja të krijuara kur kjo çështje tashmë po merr rrugëtimin e saj gjyqësor, mendojmë se është një moment kur vetë gjykata që ka vendosur masë shtrënguese të “arrestit me burg” të analizoi drejt këto rrethana dhe të marri një vendim të bazuar mbi to duke zëvendësuar masën e sigurimit personal.
Në këto momente që jemi drejtuar gjykatës ku kërkojmë zëvendësimin e masës sigurimit të arrestit me burg, presidenti z. Ilir Metaj ka plot 10 muaj në kushte izolimi, theksoj izolimi pasi përveç masës shtrënguese të arrestit me burg ai po vuan edhe masat e tjera diskriminuese të Institucionit Ekzekutimit Vendimeve penal “Jordan Misja” Tiranë, pasi është në kushtet e një izolimi total, tamam si lideri opozitës Ruse Navaly”.
Nga ana tjetër në kërkesë Meta sjell edhe precedentin Gëllci për të cilin Strasburgu rrëzoi Spakun. Ndërsq vijon më tej duke u shprehur se arresti në burg e pengon për aktovitetet politike ” Kërkojmë zvendësimin e masës së sigurimit personal për ish presidentin edhe për shkaqet e sipërcituara sespe atij nuk po i lejohet të ushtrojë të drejtat e tij politike si lider i opozitës së dytë në vend, Partia e Lirisë. Aij nuk po i lejohet të takohet me anëtarët e kryesisë partisë tij, me deputetët, me eurodeputetët dhe është privuar nga përdorimi telefonit të institucionit për të folur po me këta persona.
Është në detyrimin ligjor, kushtetues por edhe të kartës europiane të drejtave të njeriut që ndaj një politikani nën hetim, apo nën një gjykim duhet të trajtohet jo vetëm me dinjitetin njerëzor të parashikuar në standardet më të mira që parashikon ligji por edhe të mos i privohet ushtrimi të drejtave politike dhe të prevalojë mbi të gjitha prezumimi pafajësisë” shprehen avokatët
