Një debat ka shpërthyer në Danimarkë mbi fatin e një statuje sirene që do të hiqet nga sytë e publikut pasi u cilësua si “e shëmtuar dhe pornografike” dhe si “ëndrra e një burri se si duhet të duket një grua”.
Agjencia daneze për pallatet dhe kulturën thuhet se po heq Den Store Havfrue (Sirenën e Madhe) me përmasa 4×6 metra nga Fortia Dragør, pjesë e ish-fortifikimeve detare të Kopenhagenit, sepse nuk përputhet me trashëgiminë kulturore të monumentit të vitit 1910.
Mathias Kryger, kritiku i artit për gazetën daneze Politiken , e ka quajtur statujën “të shëmtuar dhe pornografike”. Sorine Gotfredsen, një gazetare, shkroi në gazetën Berlingske : “Ngritja e një statuje të ëndrrës së zjarrtë të një burri për atë se si duhet të duket një grua nuk ka gjasa të nxisë pranimin e trupave të tyre nga shumë gra. Është vërtet frymëzuese që shumë e gjejnë statujën vulgare, jopoetike dhe të padëshirueshme, sepse po mbytemi në trupa mbizotërues në hapësirën publike.”
