Gazetarja dhe moderatorja ikonë e A2 CNN, Alba Alishani ka njoftuar largimin nga televizioni me anë të një postimi në rrjetet sociale.
Alishani shkruan se emisioni i sotëm i “Debat”, është i fundit i rrugëtimit të saj 7-vjeçar.
Gazetarja falënderon dhe shpreh mirënjohje për kontributorët dhe audiencën e emisionit të saj.
Alishani ka qenë pjesë e prime time-t nga e hëna në të enjte në orën 20:30.
Për shtatë vite, gazetarja ikonë realizoi mijëra intervista dhe emisione politike, me të ftuar të rëndësishëm të politikës dhe aktualitetit.
Postimi i plotë:
“Debat nga Alba Alishani” – një etapë që mbaron sonte… Në orën 20:30 në A2 CNN është episodi i fundit i një rrugëtimi 7-vjeçar!
Unë kam mirënjohje dhe falënderim për mbështetësit, kontributorët, e sidomos audiencën elitare që çmoi dhe i qëndroi besnike me fanatizëm asaj tryeze të përnatshme debati!
E thënë për herë të fundit në A2 CNN, pas 7 vitesh përkushtim, pasion dhe dashuri për atë që kultivuam: nga unë, Alba Alishani – natën e mirë.
