Një 25-vjeçar nga Kosova u arrestua nga Policia e Vlorës, pasi dyshohet se ka vjedhur rreth 1400 euro nga automjeti i një pushuesi në plazhin e Porto Palermos.
Policia ka sekuestruar shumën e vjedhur dhe automjetin e përdorur për kryerjen e vjedhjes.
“Nga veprimet hetimore ka rezultuar se ky shtetas, në bashkëpunim me një person tjetër, për të cilin vijon puna për kapjen, më datë 26.07.2025, ka vjedhur shumën prej 1400 euro nga automjeti i një pushuesi, i cili ishte i parkuar në plazhin e ‘Porto Palermos’. Shuma e vjedhur, së bashku me automjetin tip Volkswagen, i cili dyshohet se është përdorur për kryerjen e vjedhjes, u sekuestruan në cilësinë e provës materiale”, thuhet në njoftimin e policisë.
