Kryeministri Edi Rama ka shprehur sot mirënjohje dhe respekt për të gjithë efektivët e Forcave të Armatosura, Policisë së Shtetit, zjarrfikësit, si dhe ekipet e Urgjencës Kombëtare dhe Emergjencave Civile, të cilët janë në gatishmëri të plotë për përballimin e situatave të rënda nga zjarret që kanë përfshirë vendin.
Përmes një statusi në rrjetin social Facebook, Rama ka ndarë një falënderim të veçantë për shefin e Komisariatit të Delvinës, Agim Troci, i cili ka shpëtuar jetë duke rrezikuar jetën e tij në përballje me flakët, shoqëruar me nje set fotografik të zjarrfikësve që luftojnë me flakët.
“Me një veçim plot admirim për shefin e policisë së Delvinës, Agim Troci që shpëtoi jetë duke rrezikuar të tijën, si edhe zjarrfikës, forca të Urgjencës Kombëtare e të Emergjencave Civile, të cilët janë në gatishmëri në këtë kohë të vështirë zjarresh në gjithë Europën Mesdhetare,” shkruan Rama.
