Një postim me tone sarkastike nga blogeri dhe opinionisti Olti Curri ndaj aktivistes Evi Kokalari ka ndezur një debat të nxehtë në rrjet. Gjithçka nisi kur Curri postoi në rrjetet sociale:
“Vdiq Hulk Hogan, por ka lënë pas vetes trashëgimtaren e kauzës, Evi Kokalairn.”
Ky koment ironik nuk u prit mirë nga Kokalari, e cila reagoi menjëherë, duke shpërndarë postimin e Currit dhe duke bërë një pyetje që prej kohësh është përfolur në rrjet dhe media rozë:
“Olti zemër, është e vërtetë që ti dhe Gaz Bardhi jeni të dashur?”
Pyetja, me tone thumbuese, i referohet një thashethemi të vjetër që herë pas here ka qarkulluar në media dhe rrjet, pa asnjëherë të marrë një konfirmim apo provë.
Olti Curri nuk ka qëndruar i heshtur dhe ka reaguar sërish në mënyrë të ashpër ndaj Kokalarit. Ai e ka cilësuar atë pjesë të “korit të llaxoreve të Erion Veliajt”, duke e krahasuar me emra si Bledi Mane dhe Mero Baze, për të cilët pretendon se kanë shpikur thashethemin për një lidhje me Gazment Bardhin.
“Evi, melçia… për të të qetësuar shpirtin: Gaz Bardhin as nuk e njoh dhe as nuk e kam takuar kurrë në jetë. Tirana është shumë e vogël dhe të dëshpëruarat si ti janë të shumta. Sikur të kishte qenë e vërtetë, do ishim parë apo fotografuar bashkë ndonjëherë,” – shkruan Curri.
Ai shton se thashethemi është përdorur nga ata që duan ta sulmojnë publikisht dhe e mbyll me një thumb tjetër ndaj Kokalarit:
“Ti preferove të hysh në rreshtin e fshesaxhijeve të turnit të tretë që shtyjnë natën me thashetheme.”
Përplasja mes të dyve ka tërhequr vëmendjen e ndjekësve dhe medieve online, duke hapur një tjetër kapitull në sagën e përplasjeve publike midis figurave të njohura në Shqipëri.
