Avokatët e Erion Veliajt, i janë drejtuar me një kërkesë zyrtare Drejtorisë së Përgjithshme të Burgjeve, ku kërkojnë informacion dhe dokumentacion mbi trajtimin mjekësor dhe masat e sigurisë të marra gjatë një vizite spitalore më 17 korrik 2025, raportojnë mediat.
Sipas tyre, vizita është realizuar pas disa refuzimeve të mëparshme dhe është shoqëruar me masa sigurie të konsideruara të tepruara, përfshirë rreth 30 efektivë të policisë dhe hetues të BKH-së.
Sipas avokatëve, disa prej tyre kanë qenë të pranishëm edhe në sallën e ekzaminimit, gjë që konsiderohet shkelje e protokolleve mjekësore dhe e të drejtave të të paraburgosurve.
Në kërkesën drejtuar Burgjeve, mbrojtja kërkon transparencë për procedurat e ndjekura, forcat e përfshira në shoqërim, kohëzgjatjen e qëndrimit në institucionin shëndetësor dhe planin e masave të sigurisë.
Sipas raportimeve Veliaj u dërgua në Spitalin e Durrësit për shkak të problemeve me tensionin.
