Kryeministri Edi Rama ka thënë se reforma e territorit do të ketë dy faza. E para një ndërhyrje e menjëhershme dhe tjetra që ka të bëjë me rishikimin e disa ligjeve.
“Reforma e territorit do të ketë dy faza. E para do jetë faza imediate ku qeveria do të nderhyjë me një numër aktesh dhe një akt normativ. Besoj do të jetë paralelisht edhe me një akt tjetër për ujin e pijshëm dhe mbetjet. Dhe do të ketë një fazë të dytë ku do të rishikohen të gjitha ligjet që kanë të bëjnë drejtpërdrejt me territorin, duke filluar nga ligji për ndërtimin që është shumë i vjetër. Po diskutojmë ndërhyrje shume të domosdoshme”, tha Rama
