Shkëndija bëhet skuadra e dytë shqiptare që avancon më tej në kualifikueset e Chjampions-it, pas Dritës së Kosovës, me kampionët e Maqedonisë së Veriut që mundën ekipin nga Uellsi, TNS, me rezultatin 2-1 pas kohës shtesë.
Sfida e luajtur në Uells u mbyll me barazimin 0-0, ndërsa në takimin e kthimit në Shkup, kuqezinjtë nga Tetova arritën të bënin detyrën.
Avantazhi erdhi në minutën e 18’ me anë të Tambas, por miqtë barazuan me Williams në minutën e 38’.
Pas një barazimi 1-1 në 90 minuta, kuqezinjtë ia dolën të gjenin rrjetën në fundin e kohës shtesë, falë një autogoli.
Kështu Shkëndija avancon më tej në fazën e dytë kualifikuese të Champions League, aty ku do të ndeshet me kampionët e Rumanisë, FCSB.
REZULTATI:
SHKËNDIJA 2-1 TNS
Tamba 18’, Bodenham (A.G) 116’ / Williams 38’
