Pas thirrjes së kryeministrit Edi Rama për një riformatim të strukturave drejtuese në nivel vendor, kanë dhënë dorëheqjen administratorët e njësive administrative dhe nënkryetarët e bashkisë Elbasan dhe Librazhd.
Burime bëjnë me dije se dorëheqjet janë dorëzuar këtë të hënë, në vijim të një procesi të nisur pas deklaratës së kryeministrit, i cili kërkoi largimin e të gjithë drejtuesve vendorë që nuk kanë arritur të japin rezultatet e pritshme në shërbim të qytetarëve.
Kujtojmë se gjatë një takimi me krerët e bashkive dhe drejtues të PS, Rama theksoi nevojën për një qasje të re në administrimin vendor, duke kërkuar largimin e menjëhershëm të atyre që, sipas tij, janë bërë “pengesë për ndryshimin”.
