Përgjatë ditëve të fundit veriu i vendit është duke u “shkundur” nga themelet. Një tjetër lëvizje është bërë së fundmi, ku mësohet se me urdhër të prerë është shkarkuar e gjithë kupola drejtuese në Komisariatin e Shkodrës.
Ka qenë vetë drejtori i Përgjithshëm i Policisë së Shtetit, Ilir Proda i cili ka njoftuar dhe vendimin e marrë për shkarkimin e drejtorit të Policisë në Shkodër, Fatmir Lleshajt, shefit të Komisariatit, Nik Nikollaj si dhe shefi i Stacionit të Policisë së Thethit.
Ky vendim “rrufe” është marrë pas skandaleve me ndërtimet pa leje në fshatin turistik të Thethit ku prej disa ditësh tanimë inspektorët e IKMT-së kanë nisur një aksion me qëllim “çlirimin” e kësaj zone turistike nga kabinat e ngritura pa leje nga banorët.
