Një aksident është regjistruar mëngjesin e kësaj të mërkure në aksin Sarandë–Ksamil, në vendin e njohur si “Hidrovori”.Rreth orës 06:50, shtetasi belg Yesisin Zigholoyede, 29 vjeç, ka humbur kontrollin mbi motomjetin tip “Dayang” me targë BT 665 dhe është përplasur me barrierat mbrojtëse anës rrugës. Si pasojë e përplasjes, ai ka pësuar fraktura në të dyja këmbët.
Turisti, i cili ndodhej me pushime në Sarandë, është transportuar menjëherë në spitalin rajonal për të marrë ndihmën mjekësore të nevojshme.
Nga testet e kryera nga shërbimet e Qarkullimit Rrugor të Sarandës ka rezultuar se 29-vjeçari ka qenë në gjendje të dehur në momentin e aksidentit.
