Të paktën 18 persona u plagosën në aeroportin e Majorkës gjatë evakuimit të një avioni pasagjerësh të “Ryanair” – për shkak të një zjarri në bord, raportoi sot media spanjolle.
“Pasagjerët arritën të largoheshin nga avioni përmes daljeve të emergjencës, por disa prej tyre u hodhën disa metra nga paniku”, thanë raportet. Incidenti ndodhi dje në mbrëmje.
Duke cituar informacione nga linja ajrore, gazeta britanike “The Sun” raportoi se avioni duhej të fluturonte për në qytetin verior anglez të Mançesterit.
“Një avion zëvendësues u sigurua menjëherë”, shtoi linja ajrore. Shkaku i zjarrit në bord fillimisht nuk dihej. “Gjithsej 18 persona u trajtuan nga paramedikët”, raportoi media e Mjorkës.
