Ronela Hajati ka tërhequr sërisht vëmendjen e ndjekësve në rrjete sociale pas publikimit të një fotografie të re, ku shfaqet në shoqërinë e një mashkulli misterioz.
Në foton e realizuar në plazh, këngëtarja duket e buzëqeshur dhe e relaksuar, ndërkohë që identiteti i personit pranë saj mbetet i pazbuluar, në imazh duken vetëm flokët e tij, pa asnjë detaj tjetër që mund ta identifikojë.
Postimi, i cili është përhapur me shpejtësi online, nuk shoqërohet me asnjë koment apo sqarim nga ana e Ronelës, duke lënë vend për spekulime dhe interpretime të ndryshme. Reagimet nga ndjekësit nuk kanë munguar, me shumë prej tyre që e urojnë për një lidhje të mundshme dhe përgëzojnë çiftin.
Edhe pse artistja nuk ka dhënë asnjë konfirmim, afërsia dhe buzëqeshjet në foto kanë bërë që shumë të besojnë se Ronela është në fillimet e një romance të re.
