Dita e mërkurë pritet të vijë nën ndikimin e kushteve atmosferike të qëndrueshme, duke sjellë mot të kthjellët dhe të nxehtë pothuajse në të gjithë territorin e Shqipërisë.
Në Berat sot termometri do të regjistrojë temperatura që do të arrijnë vlerat e 41 gradëve.
Sipas parashikimeve të SHMU, nuk do të mungojnë vranësirat e lehta dhe të përkohshme gjatë orëve të mesditës, kryesisht në zonat malore jugore.
Era do të fryjë nga veriperëndimi në verilindje, me një shpejtësi mesatare prej 5 m/s.
Në zonat e ulëta dhe përgjatë vijës bregdetare, herë pas here era do të intensifikohet duke arritur shpejtësi deri në 7–8 m/s.
Deti do të jetë i qetë, me një valëzim të ulët, në normat e 1–2 ballëve, çka e bën këtë ditë të përshtatshme edhe për lundrim dhe aktivitete detare.
