Nga 1 korriku, hyri në fuqi marrëveshja mes Shqipërisë dhe Italisë për njohjen e ndërsjellë të viteve të punës, që lejon bashkimin e periudhave të sigurimit për pensionistët në të dy vendet.
Kjo u mundëson shqiptarëve që kanë punuar në Itali dhe Shqipëri të përfitojnë pension edhe nëse nuk plotësojnë vitet minimale individuale të punës.
Në vitin 2025, kostoja për pensionet e shqiptarëve në Itali pritet të jetë 51.6 milionë euro dhe deri në 2032 mund të arrijë 270 milionë euro.
Në total, mbi 500 mijë shqiptarë dhe rreth 4 mijë italianë në Shqipëri do përfitojnë nga kjo marrëveshje.
