Prej disa ditësh, një nga personazhet më të dashura e më të ndjekura të botës virtuale, Cllevio nuk duket gjëkundi.
Mungesa e tij ka rënë në sy të ndjekësve të shumtë që kanë hamendësuar mbi arsyet.
Dikush mendon se kjo po bëhet për vëmendje e të tjerë thonë se reperi mund të ketë probleme.
Prive By Liberta Spahiu u interesua në rrethin e shokëve pranë tij për më shumë detaje.
Shokët e tij u treguan hermetik për detajet, por thonë se Cllevio është larguar për arsye personale, sipas tyre jo shumë serioze dhe shprehen se do i zgjidh shpejt.
Një element tjetër që i shton enigmës është fakti që Cllevio jeton prej kohësh në Dubai, i distancuar fizikisht nga ngjarjet e përditshme në Shqipëri apo Kosovë, por gjithmonë aktiv në zhvillimet virtuale. Nga Dubai, ai ka ndërmarrë disa prej përplasjesve më të mëdha publike me figura të showbiz-it, duke e mbajtur veten në krye të vëmendjes. Prandaj heshtja e tij aktuale është edhe më befasuese.
Rikujtojmë se Cllevio nuk është vetëm një reper, por një figurë që ka ndërtuar një komunitet të tërë ndjekësish, të tërhequr jo vetëm nga muzika, por edhe nga mënyra e tij unike e të folurit, stili, ironia dhe konfrontimi i drejtpërdrejtë me gjithçka që e shqetëson. Ai është ndër të paktët personazhe publikë që nuk ka pasur frikë të përplasë emra të mëdhenj, të sfidojë etikën tradicionale të estradës dhe të krijojë një “zonë të lirë” ku thotë çfarë mendon, pavarësisht pasojave.
Për momentin, nuk ka asnjë sinjal për një rikthim të afërt. Asnjë status, asnjë video, asnjë reagim. Vetëm një heshtje që vlen më shumë se një deklaratë.
