Një incident ajror ka ndodhur pasditen e kësaj të premteje në zonën e Sanfolit, pranë Shartrit në Francën perëndim-qendrore, rreth 90 km jugperëndim të Parisit.
Një avion privat i voghël u rrëzua dhe për pasojë të tre personat që ndodheshin ën bord, një grua dhe dy burra humbën jetën.
Sipas autoriteteve lokale, avioni ra në një zonë banimi, por nuk u përplas mbi asnjë banesë. Dëmi i vetëm material u shkaktua në një makinë të parkuar aty pranë. Avioni i përkiste aeroklubit të aeroportit të rajonit metropolit të Shartrit.
Pas aksidentit, autoritetet ndaluan qarkullimin në zonë dhe vendosën devijime trafiku. Hetimet për zbardhjen e shkaqeve të rrëzimit janë në vijim nga organet kompetente.
