Një ngjarje e rëndë ka ndodhur në Tiranë, teksa dy persona kanë rënë në pranga.
Mësohet se janë arrestuar një 61 dhe një 66-vjeçar, të cilët dyshohet se kanë kryer marrëdhënie seksuale me një 38-vjeçare, me aftësi ndryshe.
Vëllai i 38-vjeçares ka kallëzuar në polici gjithashtu se dyshon se 61-vjeçari e ka shfrytëzuar 38-vjeçaren, për prostitucion.
Njoftimi i policisë
Drejtoria Vendore e Policisë Tiranë
Specialistët për Hetimin e Krimeve të Komisariatit të Policisë Nr. 1 arrestuan shtetasit A. B., 61 vjeç dhe V. T., 66 vjeç, pasi ka kallëzuar një shtetas, se këta të dy dyshohet se kanë kryer marrëdhënie seksuale me motrën e tij 38 vjeçe (shtetase e pazotë për t’u mbrojtur).
Gjithashtu, ka kallëzuar dhe dyshon se 61-vjeçari e ka shfrytëzuar 38-vjeçaren, për prostitucion. Vijojnë hetimet për verifikimin e kallëzimit.
