Alvaro Vitali, aktori dhe komediani italian shumë i dashur për rolin e tij si Pierino dhe për rolet e tij të shumta në filmat komikë italianë seksi, ka ndërruar jetë në Romë në moshën 75 vjeç.
I lindur më 3 shkurt 1950, Vitali ishte shtruar në spital dy javë më parë “për bronkopneumoni të përsëritur”, siç deklaroi ish-gruaja e tij Stefania Corona në një intervistë të kohëve të fundit.
I zbuluar nga Federico Fellini gjatë një audicioni, ai debutoi në vitin 1969 me një rol të vogël në Fellini Satyricon. Më pas mori pjesë në I cloëns (1971) dhe Roma (1972), në të cilat luajti një balerin tap në një shfaqje vaudeville, të njëjtin rol që pati vitin pasardhës në Polvere di stelle, me regji dhe protagonist Alberto Sordi, gjithashtu së bashku me Monica Vitti) dhe në Amarcord (1973), me Ciccio Ingrassia.
Ai ka luajtur në mbi 150 filma
Me rënien e komedive seksi në të cilat ai luante, ai u zhduk nga skena për t’u rikthyer në Striscia la Notizia në rolin e Jean Todt, atëherë drejtor i Skuderisë Ferrari, dhe personazheve të tjerë. Në vitin 2006, ai mori pjesë në edicionin e tretë të reality show-t La fattoria, por iu desh ta braktiste për shkak të problemeve me astmën. Vetëm në ditët e fundit, ai ishte rikthyer në qendër të vëmendjes për një takim me ish-gruan e tij, këngëtaren dhe kompozitoren Stefania Corona.
