Kreu i grupit parlamentar të PD-së, Gazment Bardhi akuzoi kryeparlaren Elisa Spiropali se javën që shkoi nuk ishte për samitin në Ukrainë, por në Greqi duke ngrënë drekë. Bardhi tha se Kuvendin e Shqipërisë nuk mund të trajtohet nga Spiropali si “shtëpi e saj”. Ai shtoi se sjella e saj kalon kufinjtë e përditshme dhe normales. Gjithashtu Bardhi tha se opozita nuk ka dhënë miratimin për kalendarin të punimeve.”Seanca plenare do të duhej të ishte mbledhur të enjten ashtu siç seanca plenare ka vendosur kur ka miratuar kalendarin dhe punimet e Kuvendit. Juve na thatë se kishit një angazhim shumë të rëndësishëm në Ukrainë. E vërteta është se nuk ishit në Ukrainë por ishit duke ngrënë drekë në Greqi, madje këtë na e bënit me dije të gjithë deputetëve. Kuvendin e Shqipërisë, për ta trajtuar si shtëpinë tënde personale jo vetë nuk është e mbështetur në rregullore, por është një arrogancë që kalon kufinjtë e sjelljes suaj të përditshme dhe normale.
Ne nuk kemi dhënë miratimin për kalendarin. Mbani të kyçur në sirtar 60 niisma të Kuvendit. Sipas Kushtetutës, çdo deputet një nga përgjegjësitë e tij kryesore ka propozimin e nismave legjislative. Ju trajtoni me prioritet çdo nismë të Këshillit të Ministrave, por nuk trajtoni ato të deputetëve, kryesoisht ato të opozitës. Vetëm 3 javë nga mbyllja e Kuvendit, nuk kemi ende një planifikim se kur do të shqyrtohen në seancë iniciativat e deputetëve. Kërkoj të planizoni se kur iniciativat tona që kanë të bëjnë me interesin e qytetarëve, si minimumi jetik, rritja e pensioneve, ligji për kontrollin e investimeve në Shqipëri, do të shqyrtohen”, tha Bardhi.
