Pjesa e parë e sfidës mes Shqipërisë dhe Serbisë është mbyllur me rezultatin 0-0. Kuqezinjtë kanë dhënë një paraqitje të denjë, duke treguar karakter dhe luftë në çdo zonë të fushës, pa u tërhequr përballë presionit të kundërshtarit.
Në minutat e fundit të këtij fraksioni, Shqipëria pati mundësinë më të artë për të kaluar në epërsi, kur fitoi një penallti pas një aksioni të organizuar. Rei Manaj u vu përballë portierit nga pika e bardhë, por tentativa e tij u ndal nga gardiani serb, duke i mohuar ekipit shqiptar avantazhin.
Megjithëse rrjetat nuk janë tundur, Shqipëria është shfaqur më e qartë dhe më kërkuese në lojë. Ndeshja mbetet e hapur dhe gjithçka pritet të vendoset në pjesën e dytë.
A do të vijë fitorja? Besimi tek kuqezinjtë është i plotë.
