Një ngjarje e rëndë ka ndodhur në orët e mbrëmjes në qendër të Beogradit, ku një 24-vjeçar ka humbur jetën pas të shtënave me armë zjarri.
Sipas raportimeve nga nova.rs, i riu është qëlluar disa herë ndërsa ndodhej në vendin e shoferit brenda një automjeti dhe ka ndërruar jetë në vendngjarje.
Ministria e Punëve të Brendshme (MUP) ka njoftuar se dy persona të panjohur kanë hapur zjarr ndaj viktimës. Të dy autorët janë arrestuar dhe gjatë kontrollit, te njëri prej tyre është gjetur arma e zjarrit që dyshohet se është përdorur në vrasje.
Të tre të rinjtë e përfshirë në këtë ngjarje kanë qenë më parë në kontakt me organet e rendit, ndërkohë që autorët e dyshuar janë të lindur në vitet 2005 dhe 2009.
