Të paktën 38 persona kanë humbur jetën si pasojë e sulmeve dhe të shtënave me armë zjarri nga forcat izraelite në Rripin e Gazës.
Sipas njoftimit të bërë sot nga Mbrojtja Civile e enklavës palestineze, këto ngjarje tragjike ndodhën pikërisht në ditën e parë të festës myslimane të Kurban Bajramit, që po shënohet nga banorët e Gazës.
Në total janë regjistruar 38 viktima, përfshirë 11 persona të vrarë nga një sulm në Jabalia, në veri të Rripit të Gazës, bëri të ditur zëdhënësi i Mbrojtjes Civile, Mohammed Al-Mughayir.
