Gazetari Armand Shkullaku është shprehur i ashpër në lidhje me farsën elektorale të 11 majit. Shkullaku është shprehur se, fjala farsë është e lehtë për të përshkruar masakrën zgjedhore që të 11 majit, të organizuar nga Edi Rama.
‘Farsë është fjalë e lehtë. Ne e dinim që përpara që zgjedhje nuk do kishte. Zgjedhjet nuk vidhen ditën e zgjedhjeve.
Zgjedhjet ishin vjedhur dhe ishin bërë gati me kohë. Është skandal mendoj unë dhe është një turp shumë i madh për të gjithë ata që nuk kanë guximin të mbështesin hapur, pra nuk kanë sinqeritetin e militantëve socialistë, por mundohen të mbështesin një regjim kriminal, duke anashkaluar atë që ka ndodhur.
E mbani mend 2001, se çfarë u bë me zgjedhjet në Shqipëri. Filluan të shpërndajnë mandate, kryetari i Kushtetueses, KQZ-ja, mbushë shtëpi me armë, shkonte SHIK, ministri i Brendshëm çonte kutinë me shtëpi. E ca thoni; zgjedhje shqiptare, ka pasur disa parregullsi.
Në 2025, Shqipëria është i vetmi vend që starton një garë elektorale, me një kryetar partie prej 3 vitesh nëpër procese gjyqësore, të lënë pa vulë, pa logo. I izoluar në shtëpi për 1 vit rresht, i pamundur të bëjë një takim me partinë që drejton.
Këto janë zgjedhjet e para, ku kryetari i partisë së dytë opozitare, nga 200 mijë vota u katandis me 7 mijë. U tërhoq zvarrë ky fizikisht, jo në mënyrët të figurshme, pikërisht për shkak të atyre 100 mijë votave. Është në burg Ilir Meta sot. Një Fatos Nano ishte në 1996 dhe ishte fundi i botës.
Me Fatmir Mediu në proces penal dhe Ervin Salianjin, nënkryetar i grupit parlamentar në burg, është në burg edhe kësaj dite.
Ku ka ndodhur ndonjëherë të hyhet zgjedhje në Shqipëri ku televizionet kombëtare, asnjëri të mos jetë kritik me qeverinë.
Ku ka ndodhur ndonjëherë që i gjithë sistemi i drejtësisë të drejtohet nga një njeri’, tha, gazetari Armand Shkullaku gjatë debatit.
