Regjisori i njohur shqiptar, Piro Milkani do të përcillet ditën e sotme në banesën e fundit. Familja e tij përmes një njoftimi bëjnë me dije se ceremonia e varrimit do të bëhet sot, 25 maj në varrezat e Sharrës në Tiranë.
Nisja bëhet në orën 13:00, nga Funeral “Alba 2000”, “Rruga e Durrësit, pranë ish-ambasadës Jugosllave. Më tej në njoftim bëhet me dije se pritjet për ngushellim do të jenë në datat 27, 28 dhe 29 Maj, pranë të njëjtës agjensi funerale, në oraret 10.00-13.00 dhe 17.00-20.00.
Milkani, ka ndërruar jetë të shtunë e 24 majit në moshën 86-vjeçare, duke lënë pas një trashëgimi të pasur në fushën e kinematografisë shqiptare.
Lajmin e bëri të ditur djali i tij, Eno Mikani përmes rrjeteve sociale.”Iku babai, shoku dhe kolegu im,” shkroi ai.
