Një automjet tip “Land Rover” është përfshirë nga flakët gjatë lëvizjes mëngjesin e së dielës në aksin rrugor Fier-Lushnje, në zonën e njohur si “Vajkan”.
Fatmirësisht, drejtuesi i mjetit dhe pasagjeri kanë arritur të dalin në kohë, pa pësuar lëndime, ndërsa automjeti është djegur plotësisht.
Në vendngjarje kanë mbërritur menjëherë zjarrfikësit, të cilët kanë ndërhyrë për shuarjen e flakëve. Gjithashtu, në vendin e ngjarjes ndodhet edhe policia bashkë me grupin hetimor, që po punojnë për zbardhjen e shkaqeve të zjarrit.
Dyshimet e para flasin për një defekt në motor si shkak i mundshëm i incidentit.
