Teksa një pjesë e opozitës proteston, kreu i Grupit Parlamanetar të PD-së Gazment Bardhi, ndodhet në takim me përfaqësuesit e Asociim Stabilizimit për anëtarësimin e Shqipërisë në BE.
Ai tha se është shqetësuese për të fakti që deputetët e opozitës po provokohen dhe se po diktohen se çfarë të thonë e çfarë jo në takim.
Bardhi u shpreh se gjatë mbledhje u tha se demokratët kishin shkuar atje që të flisnin për protestën që po ndodh aktualisht në rrugët kryesore të vendit, gjë që u mohua nga përfaqësuesit e opozitës. Më tej Bardhi tha tu diktohet deputetëve të opozitës së çfarë do thonë nuk ia lejojnë as Edi Ramës dhe askujt tjetër.
“Ne kemi disa tema të përcaktuara në axhendë dhe nuk më rezulton se asnjë nga kolegët e mi të ketë dalë jashtë teme. Padyshim që do themi të vërteta. Është absolutisht shqetësuese për mua që deputetët e opozitës të provokohen, nëse donim të flisnim me protestuesit do flisnim me protestuesit në shesh, ndryshe nuk do të kishim ardhur këtu. Ne do themi ato të vërteta që ne duam të themi, por të na diktohet se çfarë do themi se si do flasim, se si do ti dokumentojmë. Sepse këtu ka miq të ministrit dhe deputetit që ka këtë dosje. Unë do ta them të vërtetën time sepse për këtë kemi ardhur këtu. Nëse doni panoramë ndryshe mos e bëni pjesë opozitën në këtë format, nëse doni një ngjyrësh atëherë e keni parlamentin. Ne kemin shfaqur respekt gjatë gjithë ditës për kolegët tanë të parlamentit europian. Detyra na dikton të jemi në këtë format. Por t’u diktohet deputetëve të opozitës së çfarë do thonë në këtë tryezë s’ia lejojmë Edi Ramës e askujt,” tha Bardhi.
